ლემნა — Lemna sp. (Duckweed)

ლემნა პატარა, სწრაფად მზარდი მცურავი წყლის მცენარეა, რომელიც იდეალურია აკვარიუმებისა და მცირე ტბორებისთვის.

🌿 უპირატესობები:
• ძალიან სწრაფად მრავლდება
• ქმნის ბუნებრივ ზედაპირულ საფარს
• წყლიდან ითვისებს ზედმეტ საკვებ ნივთიერებებს
• ამცირებს ზედაპირზე მოხვედრილ ძლიერ განათებას
• ქმნის ბუნებრივ გარემოს თევზებისა და კრევეტებისთვის
• არ საჭიროებს CO₂-ს მიწოდებას
• მარტივი მოსავლელია

ბუნებრივი საკვები

ლემნა შეიძლება გამოყენებულ იქნას დამატებით საკვებად სხვადასხვა ცხოველისთვის, მათ შორის:

• ოქროს თევზისთვის
• კოი კარპისთვის
• ზოგიერთი სხვა ბალახისმჭამელი და ყველაფრისმჭამელი თევზისთვის
• იხვებისა და სხვა წყლის ფრინველებისთვის
• ზოგიერთი ლოკოკინასთვის

ლემნას სწრაფი გამრავლების გამო შესაძლებელია მისი ცალკე ჭურჭელში მოშენებაც და პერიოდულად ცხოველებისთვის მიცემა. ხოლო გამშრალი სახით საკვებში ცილის დანამატად გამოიყენება.

გასათვალისწინებელია

აკვარიუმში ლემნა ძალიან სწრაფად მრავლდება და მოკლე დროში შეიძლება წყლის ზედაპირის მნიშვნელოვანი ნაწილი დაფაროს. პატარა ზომის გამო იგი ხშირად ეხვევა ან ერევა ხავსებში, სხვა მცენარეებში და დეკორაციებში, რის გამოც მისი სრულად ამოღება ზოგჯერ რთულია.

სწორედ ამიტომ, მიუხედავად მისი სასარგებლო თვისებებისა, ზოგ აკვარიუმისტს ლემნა არ მოსწონს და აკვარიუმში მის დამატებამდე გაითვალისწინეთ მისი სწრაფი გამრავლება.

განთავსება: წყლის ზედაპირზე
ზრდის ტემპი: ძალიან სწრაფი
სირთულე: ძალიან მარტივი

რაოდენობა დაახლოებით 25 ცალი - სტარტერ კულტურა;